Øvings- og beredskapsmedarbeidar

Vestfold sivilforsvarsdistrikt søkjer ein engasjert og utviklingsorientert øvings- og beredskapsmedarbeidar som vil spele ei sentral rolle i å utvikle, trene og førebu Sivilforsvarets personell på framtidas utfordringar og kjerneoppdraget vårt – vern av sivilbefolkninga. Hos oss får du ein variert arbeidskvardag med ansvar for utdanning, øvingar og beredskap, tett samarbeid med kommunar og andre beredskapsaktørar, og moglegheit til å bidra til eit sterkt regionalt samarbeid på tvers av distriktsgrenser. Du blir ein del av eit fagmiljø som arbeider saman for å sikre at Sivilforsvaret er best mogleg rusta når samfunnet treng oss.   Du skal  • planleggje, gjennomføre og evaluere øvingar for distriktets og regionens tenestepliktige og befal • delta i planarbeid og gjennomføring knytt til øvingar og beredskapsaktivitetar saman med eksterne aktørar • registrere og kvalitetssikre kompetanse- og øvingsdata i relevante fagsystem • sørgje for erfaringslæring og forbetring etter øvingar og reelle hendingar • delta i utvikling og vedlikehald av beredskapsplanverk og andre planprosessar • byggje og vidareutvikle samarbeidet med andre aktørar innan totalforsvar og samfunnstryggleik • inngå i stab ved øvingar og hendingar • delta ved behov i Sivilforsvarets nasjonale oppgåver Kvalifikasjonar   Du må ha:• bachelorgrad. Årsstudium frå høgskule, universitet eller fagskule, eller fagbrev kombinert med relevant erfaring, kan kompensere for manglande bachelorgrad. Utanlandsk utdanning må vere godkjend av Direktoratet for høgare utdanning og kompetanse • erfaring med planlegging og gjennomføring av øvingar, opplæring eller instruksjon • førarkort klasse B • god skriftleg og munnleg framstillingsevne på norsk • desse personlege eigenskapane:• du er ein lagspelar som samarbeider godt og bidreg positivt til felles mål • du byggjer gode relasjonar og skaper tillit hos kollegaer, tenestepliktige og samarbeidspartnarar • du er strukturert, planmessig og kan arbeide sjølvstendig • du har god gjennomføringsevne og evnar å omsetje planar til resultat • du har gode pedagogiske evner og kan formidle kunnskap på ein tydeleg og engasjerande måte Vi ønskjer at du har:• instruktør- eller rettleiarutdanning • utdanning innan samfunnstryggleik og beredskap • erfaring med instruksjon eller opplæring • førarkort klasse BE, C1E eller CE Vilkår Fast stilling som sivilforsvarsadjutant (stillingskode 0331) med årsløn frå kr 610 000 til 650 000. Tryggleiksklarering: Den som får tilbod om stillinga må kunne tryggleiksklarerast til nivå HEMMELEG før tiltreding. Om Sivilforsvaret, distriktet og stillinga Sivilforsvaret er ein uniformert etat underlagd Direktoratet for samfunnstryggleik og beredskap (DSB), leia av sjef Sivilforsvaret. I fredstid består Sivilforsvaret av 8000 tenestepliktige mannskap fordelte på 20 distrikt, kvart leia av ein distriktssjef. Det sentrale nivået er organisert gjennom Sivilforsvarsavdelinga, som består av to seksjonar og eit økonomi- og styringssekretariat leia av assisterande sjef Sivilforsvaret. Sivilforsvaret har som hovudoppdrag å beskytte befolkninga i krise og krig. I fredstid skal Sivilforsvaret bidra til god beredskap i heile landet og vere ein forsterkingsressurs for nødetatar og andre myndigheiter. Sivilforsvaret har lokale, regionale og nasjonale innsatsstyrkar med tenestepliktige mannskap og befal. Totalt er det ca. 230 tilsette i Sivilforsvaret. Den viktigaste ressursen er dei tenestepliktige som blir kalla ut til innsats i ulike oppdrag over heile landet. Sivilforsvaret bidrar også internasjonalt.  Vestfold sivilforsvarsdistrikt har 7 tilsette og held til i Stavern. Vi har eit utstrakt samarbeid både med nødetatane (politi, brann og helse), statsforvaltaren, kommunane, frivillige organisasjonar, Forsvaret og andre aktuelle aktørar. Distriktet har 260 tenestepliktige fordelte på 10 operative avdelingar med mannskap og befal. Dei tenestepliktige skal gjennom årlege øvingar og kurs sørge for at Sivilforsvaret er i stand til å løyse oppgåvene sine. Stillinga inngår i ein felles regional stab og inneber tett samarbeid med andre stabsfunksjonar. På enkelte område vil arbeidsoppgåvene vere tverrfaglege og overlappe med andre fagområde i distriktet.   Vestfold sivilforsvarsdistrikt samarbeider tett med Telemark sivilforsvarsdistrikt om felles kompetanseutvikling, øvingsverksemd og oppgåveløysing. Dette gir stillinga eit regionalt fokus, der samarbeid på tvers av distrikta er ein viktig del av arbeidskvardagen. Du vil inngå i eit team som arbeider med å løyse oppgåvene våre i begge distrikt. Du må derfor trivast med å byggje relasjonar, dele kompetanse og bidra til felles løysingar til beste for regionen som heilskap.   Hovudansvaret i stillinga er å planleggje, gjennomføre og følgje opp utdanning, trening og øvingar for distriktets tenestepliktige og andre tilsette. Du skal bidra til å identifisere kompetanse- og opplæringsbehov, vidareutvikle distriktets utdannings- og øvingsverksemd og sikre at personellet er best mogleg førebudd til å løyse Sivilforsvarets oppdrag.   Arbeidsoppgåvene omfattar også sakshandsaming, regelverksforvaltning og oppfølging av personell innan eige ansvarsområde. Vidare blir det venta at du bidreg ved interne og eksterne arrangement, held foredrag og opplæring, og representerer Sivilforsvaret i relevante samarbeidsforum, beredskapsråd og møteplassar med kommunar, nødetatar, Statsforvaltaren og andre beredskapsaktørar.   Stillinga byr på ein variert arbeidskvardag med både administrative og operative oppgåver. Den som blir tilsett må vere fleksibel når det gjeld oppgåver og arbeidsområde, og trivast med å arbeide både på kontoret og ute i felt. Som ein del av distriktets beredskap må du vere budd på å bidra når situasjonen krev det. Det kan innebere arbeid utanfor ordinær arbeidstid, oppmøte på kort varsel og deltaking i distriktets vaktordning. Stillinga inneber også noko reiseverksemd innan regionen. For å kunne bidra til oppdragsløysinga i Sivilforsvaret er det vikt